Қыркүйектің 28-інде Халықаралық Бизнес Академиясында «Бір ел – бір кітап» республикалық акция шеңберінде Ш.Құдайбердиев шығармашылығына арналған әдеби кеш өтті.

Әдеби кештің қонақтары: белгілі ақын, филология ғылымдарының кандидаты, ҚР мәдениетінің қайраткері, «Алаш» халықаралық әдеби сыйлығының лауреаты, Сабит Мұқанов және Ғабит Мүсреповтің мемлекеттік әдеби- мемориалдық мұражайлық кешенінің директоры Әділғазы Жақсылықұлы Қайырбеков, Жамбыл атындағы жас өспірімдер кітапханасының директоры, кітапхана ісінің үздігі, «Алаш ұстазы» кеуде белгісінің  иегері, атақты блогер Ғазиза Құдайберген.

Кеш жылы жағдайда өтті. Қонақтар және студенттер ақынның өлеңдерін оқыды, кештің қонақтары Чайковский атындағы колледждің студенттері Шәкәрімнің өлеңдерін орындады.

ХБА колледжінің директоры Хисматуллина А.А. қонақтарды қошаметтеді және студенттерге Тілдер апталығының шеңберінде өткен қазақ және орыс тілдері бойынша Олимпиаданың, «Тілге құрмет, елге-құрмет» байқауының   белсенді қатысушыларына, жүлдегерлеріне мадақтау грамоталарын тапсырды.